На борце верталёта, які пацярпеў аварыю ў Дэмакратычнай Рэспубліцы Конга, знаходзіліся трое беларусаў, іх жыццю нічога не пагражае. Такая інфармацыя прагучала ў эфіры тэлеканала АНТ са спасылкай на прадстаўніка пасольства Расіі ў гэтай афрыканскай краіне Алега Ілышава, паведамляе БЕЛТА.
«У раёне Рутшуру правінцыі Паўночнае Ківу, дзе ўпалі два верталёты, былі дрэнныя ўмовы надвор'я. Туман, дождж, быў моцны парывісты вецер. На борце аднаго з верталётаў знаходзіліся трое членаў экіпажа, грамадзян Беларусі. Усе яны выжылі пры падзенні, у цяперашні час знаходзяцца ў шпіталі ў горадзе Гома. Іх жыццю нічога не пагражае», — распавёў Ілышаў.
Крушэнне верталётаў адбылося яшчэ ў мінулую пятніцу, але падрабязнай і канкрэтнай інфармацыі было няшмат. Вядома, што беларусы знаходзяцца ў афрыканскай краіне як прыватныя асобы. Цяпер беларускія дыпламаты спрабуюць атрымаць звесткі пра інцыдэнт з афіцыйных крыніц.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары