Статкевіч патлумачыў сваю пазіцыю адносна акцый пратэсту ў рэгіёнах
Палітык Мікалай Статкевіч адрэагаваў на публікацыю ў «Нашай Ніве» «Пасля Гомеля — Віцебск? Рыхтуецца яшчэ адна акцыя пратэсту». Ён палічыў важным удакладніць сваю пазіцыю адносна акцый пратэсту ў рэгіёнах.
«Я падтрымліваю акцыі, што прайшлі ў рэгіёнах. Вельмі добра, што людзі паказалі сваю волю не толькі ў Мінску. Разам з тым, нельга паўтараць памылак 2011 года, калі акцыі пачыналіся штотыднёва, але паступова згасалі. Калі ж прыходзіў час вырашальнай акцыі ў Мінску, то хваля ўся сыходзіла.
Гэта добра, што людзі выйшлі. Там жа, дзе не было нармальнага кіравання, дзе незадаволеныя, як, напрыклад, у Віцебску, там людзі маюць права на паўторную акцыю. Таму акцыю 26 лютага я падтрымліваю.
Мы будзем абмяркоўваць гэтую сітуацыю ў Беларускім нацыянальным кангрэсе. І, магчыма, акажам арганізацыйную дапамогу людзям, якія збяруцца 26-га а 12:00 у цэнтры Віцебска. Поспехаў вам, сябры».
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь3
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары