Федэральнае ведамства па абароне Канстытуцыі Германіі (BfV) заявіла аб росце ў краіне колькасці патэнцыйных ісламістаў-тэрарыстаў, паведамляе Delfi са спасылкай на Frankfurter Allgemeine.
«У цяперашні час мы налічваем 1,6 тыс. чалавек, якія патэнцыйна здольныя ўчыніць тэракт ісламісцкай накіраванасці», — заявіў у сераду кіраўнік ведамства Ханс-Георг Маасэн на Еўрапейскім паліцэйскім кангрэсе ў Берліне. Яшчэ ў канцы 2016 года, па яго словах, такіх людзей было не больш за 1,2 тыс.
Маасэн падкрэсліў, што ў Германіі існуе пастаянная тэрарыстычная пагроза. «Мы павінны прызнаць, што жывём не ў нармальным стане, — заявіў ён. — У цяперашні час пад пагрозай не толькі ЗША — у першую чаргу пад пагрозай Заходняя Еўропа, уключаючы Германію».
Асаблівая пагроза, канкрэтызаваў кіраўнік BfV, «зыходзіць ад атрадаў тэрарыстаў, якія прыехалі ў Германію для здзяйснення тэрактаў. Падобныя асобы могуць прыехаць з Сірыі і мець баявы досвед, а таксама веды ў вырабе выбуховых прылад».
«Атрады тэрарыстаў у стрэсавай сітуацыі здольныя больш прафесійна абыходзіцца з аўтаматамі Калашнікава, чым берлінскія паліцыянты — са сваёй зброяй», — падкрэсліў Маасэн. Але з 15 тэрарыстычных нападаў у Еўропе ў апошнія два гады толькі тры былі праведзеныя такімі атрадамі — астатнія, у тым ліку пяць тэрактаў у Германіі летась, ажыццявілі асобныя злачынцы або невялікія групы з асобных злачынцаў, сказаў Маасэн.
Цяпер чытаюць
Як клан Лукашэнкі атрымаў долю ў беларускім Wildberries і мільённыя дывідэнды1
Як клан Лукашэнкі атрымаў долю ў беларускім Wildberries і мільённыя дывідэнды
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1111
Каментары