Дэпутат Марзалюк да пратэстоўцаў у Магілёве: «Вам патрэбная страта тэрытарыяльнай цэласнасці?»
Падчас «Маршу недармаедаў» у Магілёве да ўдзельнікаў акцыі пратэсту выйшаў дэпутат Палаты прадстаўнікоў Ігар Марзалюк.
Ён вырваў мэгафон у аднаго з пратэстоўцаў і зьвярнуўся да прысутных:
«Я буду тут. У каго ёсьць праблемы з дэкрэтам і зарплатай — падыходзьце. Разьбярэмся на месцы. Ня сёньня, дык заўтра. Памятайце: Беларусь адна, і нам няма чаго дзяліць».
Прысутныя рэагавалі на ягоны выступ сьвістам і воклічамі: «Ганьба», «Сыходзь».
«Дурасьць у тым, што адбылося бяздарнае і дурное выкананьне. Вось у чым праблема. Але калі казаць пра сутнасьць дэкрэту, то ён правільны. Дэкрэт гэты часовы».
Дэпутат Марзалюк дадаў, што дэпутаты Палаты прадстаўнікоў унесьлі некалькі старонак заўваг да дэкрэту:
«Я ўпэўнены, што тыя, каго крыўда вывела на вуліцы, атрымаюць сатысфакцыю. Давайце думаць пра сваю радзіму. У 2010 годзе правакатары зрабілі ўсё магчымае, каб Беларусь адышла ад Эўразьвязу. Цяпер у нас нармалізацыя. Калі вы такія эўрапатрыёты, дык думайце, што вы робіце. Вам патрэбная страта тэрытарыяльнай цэласнасьці?».
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары