У Магілёве пачаўся тэатральны форум «М@rt.кантакт», большасць квіткоў на які расхапалі яшчэ зімой ФОТЫ
Гэта ўжо дванаццаты па ліку форум, які штогод становіцца галоўнай вясновай падзеяй не толькі для горада, але і краіны. Фестывальная праграма — 2017 адкрылася спектаклямі «Аднакласнікі. Урокі жыцця» Алма-ацінскага тэатра імя Байтэна Амарава «Жас Сахна» і «Месяцам у вёсцы» Яраслаўскага тэатра драмы Фёдара Волкава.
Працягнецца форум да 27 сакавіка. За гэты час гледачы ўбачаць 22 спектаклі 20 тэатраў з 10 краін свету, у тым ліку з Арменіі, Польшчы, Літвы, Аўстрыі, Грузіі, ЗША і, канешне, Беларусі. Акрамя асноўнай праграмы, усіх неабыякавых да тэатра чакаюць бонусы: 2 майстар-класы, «Майстэрня маладой рэжысуры», круглы стол, прэзентацыя кнігі пра гісторыю беларускага тэатра, штодзённыя абмеркаванні з крытыкамі і артыстамі, выставы маладых фатографаў і рамеснікаў і інш.
У касе Магілёўскага абласнога драматычнага тэатра «НН» паведамілі, што на большасць пастановак квіткі раскупілі зімой, як толькі яны паступілі ў продаж. Але і зараз яшчэ можна патрапіць на польскі «Архіпелаг», грузінскі «Халстамер. Гісторыя каня», айчынных «Крэйцараву санату», «Прадметную гутарку» і «Гэта ўсё яна». Папярэдне з гэтых звестак можна зрабіць выснову, што менш за ўсё беларусаў на дадзены момант цікавяць танцавальныя перформансы.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары