Аляксандр Лукашэнка накіраваў віншаванне прэзідэнту РФ Уладзіміру Пуціну з т. зв. Днём яднання народаў Беларусі і Расіі. Пра гэта паведамілі ў прэс-службе беларускага лідара.
«Гэтае знамянальнае свята сімвалізуе моцныя гістарычныя сувязі і агульнасць інтарэсаў нашых народаў. У Саюзнай дзяржавы ёсць трывалая аснова — багатая духоўная і культурная спадчына, велізарны эканамічны патэнцыял супрацоўніцтва», — гаворыцца ў віншаванні.
Лукашэнка перакананы, што сумеснымі намаганнямі бакі працягнуць саюзнае будаўніцтва і развіццё інтэграцыйных працэсаў на прынцыпах раўнапраўя і ўзаемнага даверу. «Менавіта гэтага чакаюць ад нас мільёны грамадзян Беларусі і Расіі», — адзначыў ён.
Кіраўнік дзяржавы таксама накіраваў віншаванні Дзмітрыю Мядзведзеву, Валянціне Мацвіенка, Вячаславу Валодзіну, Рыгору Рапоту, Генадзю Зюганаву, патрыярху Кірылу.
У Мінску адбыліся масавыя затрыманні выдаўцоў і кнігараспаўсюднікаў33
Каментары