Былы футбаліст зборнай Чэхіі знойдзены мёртвым у сваёй кватэры ў Турцыі
Былы абаронца зборнай Чэхіі па футболе Францішак Райтарал знойдзены мёртвым у сваёй кватэры ў Турцыі, найбольш імавернай прычынай смерці называецца самагубства. Пра гэта паведамляе Бі-бі-сі.
Паводле звестак, 31-гадовы спартсмен павесіўся. Гэта пацвердзіў прэзідэнт турэцкага «Газіантэспора», за які выступаў футбаліст, Ібрагім Кызыл.
— На жаль, я магу пацвердзіць, што інфармацыя пра самагубства дакладная. Не разумею прычыны яго ўчынку, ён быў у добрым настроі, я не заўважаў у яго нейкіх праблем, — сказаў кіраўнік клуба.
***
Францішак Райтарал правёў 14 сустрэч за зборную Чэхіі, удзельнічаў у чэмпіянаце Еўропы 2012 года. Чатыры разы (2011, 2013, 2015, 2016) станавіўся чэмпіёнам Чэхіі ў складзе клуба «Вікторыя», у 2011 годзе выйграў Кубак Чэхіі, у 2011 і 2015 годзе — Суперкубак краіны. У 2014 годзе спрабаваў свае сілы ў германскай бундэслізе, на правах арэнды згуляўшы 7 матчаў за «Гановер-96».
У 2016 годзе перайшоў у «Газіантэспор», дзе выступае таксама паўабаронца зборнай Беларусі Сяргей Кісляк. За турэцкі клуб Райтарал правёў 19 матчаў.
Загінуў беларускі добраахвотнік Васіль «Дзір» Рапіцкі11
Каментары