Прэзідэнт Анджэй Дуда падпісаў змены ў Законе аб рэпатрыяцыі. Новыя палажэнні павінны спрасціць працэс вяртання ў Польшчу і пражывання тут палякаў, якія вырашылі вярнуцца на гістарычную радзіму з Усходу. Права на вяртанне маюць палякі аж да чацвёртага пакалення.
Дзяржаўны сакратар у Канцылярыі прэзідэнта краіны Адам Квяткоўскі адзначыў, што гэты закон вельмі чакалі. На думку палітыка, новыя палажэнні Закона аб рэпатрыяцыі — гэта аднаўленне гістарычнай справядлівасці.
«Вельмі важна, каб нашы землякі, якія пражываюць за мяжой, бачылі і адчувалі, што Польшча пра іх памятае, і закон таму пацвярджэнне», - адзначыў Квяткоўскі.
Перш за ўсё, у новым законе з'явілася новае вызначэнне «рэпатрыянта». Зараз гэта чалавек, які прыбыў на тэрыторыю Польшчы на падставе нацыянальнай візы, выдадзенай з мэтай рэпатрыяцыі і пастаяннага пражывання ў Польшчы.
Закон таксама прадугледжвае прызначэнне Упаўнаважанага ўрада і стварэнне Рады па справах рэпатрыяцыі, а таксама стварэнне спецыяльных адаптацыйных цэнтраў для рэпатрыянтаў і выдзяленне прыезджым штомесячнай дапамогі памерам 200 злотых (45 еўра).
Рэпатрыянты змогуць атрымліваць таксама іншую фінансавую дапамогу і карыстацца медыцынскімі паслугамі.
Цяпер чытаюць
Бабарыка зоймецца бізнэсам — ужо адкрыў кампанію ў Германіі18
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары