Генеральная пракуратура Украіны пачала расследаванне па факце забойства мастака Украінскай паўстанцкай арміі (УПА) Ніла Хасевіча работнікам органаў дзяржбяспекі СССР Барысам Сцяклярам.
«Справа ўнікальная і не мае аналагаў ва Украіне. Учынак Сцякляра, афіцэра КДБ, не мае тэрміну даўнасці. Злачынства праз дзясяткі гадоў застаецца злачынствам. Забойства Хасевіча, змагара за незалежнасць, павінна расследавацца, і кожны павінен атрымаць прысуд», — кажа прадстаўнік Нацыянальнага цэнтра праваабароны Дзяніс Палішчук, які ініцыяваў расследаванне.
Барыс Сцякляр кіраваў аперацыяй МГБ па пошуку і знішчэнні падпольнага мастака Ніла Хасевіча ў 1952 годзе.
Паводле адной з версій, Сцякляр асабіста кінуў гранату ў бункер, дзе хаваўся Хасевіч і іншыя сябры Арганізацыі ўкраінскіх нацыяналістаў.
Паводле іншай легенды, Хасевіч застрэліўся, каб не здацца жывым.
Цікава, што летась Сцякляр звяртаўся ў суд з просьбай не прадастаўляць яго асабістую справу для азнаямлення насуперак закону «Аб доступе да архіваў рэпрэсіўных органаў камуністычнага таталітарнага рэжыму 1917-1991 гадоў».
Планы ўкраінскіх уладаў па пераследзе ветэрана выклікалі шал у расійскіх СМІ.
Цяпер чытаюць
«Шпіён у кішэні»: расійскі месенджар Max сочыць за карыстальнікамі і дапамагае блакаваць VPN2
Каментары