У Маскве затрыманыя чацвёра прыхільнікаў «Ісламскай дзяржавы», якія рыхтавалі тэракты, заяўляе ФСБ. Пры ператрусе ў іх знайшлі гатовую да ўжывання выбуховую прыладу, сцвярджае спецслужба.
«ФСБ Расіі 25 мая ў Маскве затрыманыя чатыры члены тэрарыстычнай групы, што складаецца з грамадзян Расіі і краін Цэнтральнаазіяцкага рэгіёну, якія ажыццяўлялі падрыхтоўку тэрактаў з выкарыстаннем самаробных выбуховых прылад на аб'ектах транспартнай інфраструктуры Масквы», — гаворыцца ў паведамленні цэнтра грамадскіх сувязяў ФСБ.
Пры ператрусах, як заяўляе спецслужба, былі выяўленыя «лабараторыя па вытворчасці выбуховых рэчываў», а таксама «гатовае да ўжывання самаробнае выбуховае прыстасаванне з паражальнымі элементамі», аўтаматы, гранаты і відэазапісы «экстрэмісцкай і тэрарыстычнай накіраванасці».
Пасля тэракту затрыманыя планавалі з'ехаць у Сірыю і далучыцца да сіл ІД, удакладняе ФСБ.
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Каментары