Макей не пацвердзіў, што шэнгенскія візы патаннеюць з 2018 года
Міністр замежных спраў Уладзімір Макей не можа пацвердзіць патаненне шэнгенскіх візаў з 1 студзеня 2018 года. Пра гэта ён заявіў на міжнароднай канферэнцыі «Мінскі дыялог».
«Я не магу сказаць пра патаненне шэнгенскіх візаў для беларусаў з новага года, — паведаміў журналістам Уладзімір Макей. — Вы звярніцеся да тых калегаў, якія робяць заявы такога кшталту».
30 мая начальнік дэпартамента грамадзянства і міграцыі МУС Беларусі Аляксей Бягун выказаў надзею, што да канца года будзе падпісанае пагадненне з ЕС аб спрашчэнні візавага рэжыму.
«Пасля ўступлення ў сілу пагаднення шэнгенскія візы беларусы змогуць атрымліваць на больш доўгі тэрмін — у тым ліку на 3 і 5 гадоў», — казаў Бягун.
Паводле Макея, перамовы з ЕС у гэтым пытанні працягваюцца.
«Спатрэбіцца час на ліквідацыю тэхнічных пытанняў, якія ў цяперашні час прысутнічаюць у нашым парадку дня, — сказаў міністр. — Я б не рабіў трагедыі што да тэрмінаў спрашчэньня візавага рэжыму з ЕС. Мы працуем над гэтым».
Цяпер чытаюць
Сталі вядомыя падрабязнасці пра трагедыю ў Полацкім манастыры8
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары