Нацбанк абмежаваў ліцэнзію «БСБ Банка», паклапаціцеся пра свае карткі і дэпазіты
Нацбанк апублікаваў сваё рашэнне па пазбаўленні банка БСБ (БелСвісБанк) ліцэнзій на правядзенне наступных аперацый:
— Прыцягненне грашовых сродкаў фізічных асобаў, апроч ІП.
— Адкрыццё і вядзенне банкаўскіх рахункаў, апроч ІП.
— Выдача каштоўных папер.
— Выпуск банкаўскіх картак.
— Кіраванне грашыма паводле дамовы даверу.
Паведамляецца, што зроблена гэта праз выяўленне шэрагу парушэнняў у працы банка.
Што гэта азначае для звычайных кліентаў банка? Ім трэба паклапаціцца пра лёс сваіх дэпазітаў, якія маюць быць выплачаныя, а таксама зняць грошы з картак да 26 чэрвеня, іначай тыя сродкі пяройдуць у іншыя банкі і працэс іх вяртання абцяжарыцца.
Але ці кажа гэта, што «БСБ Банк» — усё?
У галаўным офісе «Нашай Ніве» сказалі, што яны пакуль не могуць дакладна сказаць, ці азначае такое рашэнне Нацбанка фактычную ліквідацыю «БСБ».
На пытанне, ці будуць выпраўленыя парушэнні і калі, прадстаўнік банка адказаў: «Мы не можам гэтага сказаць».
Па памеры сваіх актываў «БСБ Банк» быў на 17 месцы ў Беларусі.
«Банк Масква-Мінск» прызначаны банкам-павераным, які будзе прымаць заявы аб выплаце кампенсацый па дэпазітах «БСБ Банка».
Грошы па іх картках зараз можна здымаць без камісіі ў любых банкаматах Беларусі.
Дэпутатка, якая рыхтуе прыгажунь для Лукашэнкі, выйшла замуж23
Каментары