Урад Літвы знарок абвясціў экстрэмальную сітуацыю ў сувязі са станам гары Гедыміна ў Вільні, гэта палегчыць пошук сродкаў на працы па выратаванні гары, паведаміў у панядзелак літоўскі прэм'ер-міністр Саўлюс Скверняліс, паведамляе партал delfi.lt.
«Відаць, мы будзем вымушаныя аб'явіць і экстрэмальную сітуацыю, хоць бы для таго, каб знайсці дадатковыя крыніцы фінансавання», — сказаў С.Скверняліс журналістам ва ўрадзе. Паводле яго слоў, з-за спаўзання адхонаў пагроза для гары велізарная, таму ёсць неабходнасць выпрацаваць комплексную стратэгію.
На паўднёва-ўсходнім схіле гары фармуюцца месцы, у якіх пры неспрыяльных умовах надвор'я могуць адбывацца апоўзні. Праз гэта можа трэснуць ці нават абрынуцца фрагмент верхняга замка, дзе ўтварыліся расколіны шырынёй з сантыметр. Гэта няшчасце спрабуюць прадухіліць, працы плануюць пачаць у гэтым годзе.
Эксперты Польскага геалагічнага інстытута на працягу двух тыдняў будуць праводзіць геафізічныя даследаванні, сканаваць гару і агучаць свае рэкамендацыі.
Гэтай зімой небяспечны апоўзень ужо здарыўся на паўночна-заходнім схіле гары.
-
«Спыніць сітуацыю, калі людзі знаходзяцца на ўтрыманні дзяржавы ад самага прыезду». Ірландыя прапануе ўкраінцам «шчодрыя» выплаты за вяртанне дадому
-
Праз канфлікт з Папам Рымскім Трамп пачаў страчваць падтрымку выбаршчыкаў. У Вашынгтоне загаварылі пра прымірэнне
-
У Томску знеслі помнік рэпрэсаваным: сярод іх былі дэпартаваныя з Беларусі палякі, а таксама беларусы, якіх прымушалі змяняць нацыянальнасць
Цяпер чытаюць
Максім Знак: Мы з Ціханоўскай зайшлі падаваць скаргу ў кабінет Ярмошынай — але Ярмошынай там не было59
Каментары