Авіякампанія «Белавія» стала афіцыйным перавозчыкам папулярнага беларускага панк-рок-гурта «Ляпіс'98». Пагадненне аб партнёрстве ўступіла ў сілу ў чэрвені, паведамляе прэс-служба кампаніі.
«Супрацоўніцтва Белавія і знакамітага гурта «Ляпіс'98» будзе садзейнічаць не толькі развіццю двух брэндаў, але і дазволіць аб'яднаць намаганні па прыцягненні ўвагі да Беларусі, бо і авіякампанія, і музычны калектыў з'яўляюцца аднымі з самых вядомых брэндаў нашай краіны», — адзначаецца ў паведамленні.
Дзякуючы партнёрству з «Белавія» група зможа не толькі пашырыць геаграфію сваіх гастрольных тураў, але таксама знізіць кошт квіткоў на канцэрты на 20%.
«Белавія» будзе прадастаўляць паслугі па арганізацыі пералётаў музыкаў гурта «Brutto» і «Ляпіс'98». У сваю чаргу, музыкі будуць аказваць беларускай авіякампаніі рэкламныя паслугі і садзейнічаць прасоўванню брэнда як у роднай краіне, так і за яе межамі, гаворыцца ў прэс-рэлізе.
«Авіякампанія «Белавія» стараецца аказваць падтрымку сацыяльным і культурным, у тым ліку музычным, праектам, накіраваным на папулярызацыю Беларусі за мяжой. Групы «Brutto» і «Ляпис98» даўно і трывала з'яўляюцца носьбітамі сучаснай Беларусі ва ўсім свеце, менавіта таму мы рады гэтаму партнёрству», — адзначыў Анатоль Гусараў, генеральны дырэктар ААТ «Авіякампанія «Белавія».
На відэа Сяргей Міхалок чытае «Ад родных ніў» Максіма Багдановіча.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3737
Каментары