1 жніўня абвясцілі прысуд Андрэю Гаўрошу. У навагоднюю ноч у мужчыну тры разы стрэліў міліцыянт, 24-гадовы Руслан Салаўёў.
29-гадовы Андрэй Гаўрош не прызнаў сваёй віны і заявіў, што супрацоўнік міліцыі першым напаў на яго. У ахоўніка парадку іншая версія - Гаўрош зладзіў бойку, спрабаваў выхапіць табельную зброю, таму Руслан Салаўёў стрэліў тры разы. Выслухаўшы бакі, суд Маскоўскага раёна вынес абвінаваўчы прысуд у дачыненні да мінчука - 5 гадоў абмежавання волі без накіравання ў папраўчую ўстанову, піша tut.by.
Андрэй Гаўрош зможа жыць дома, працаваць, але будзе рэгулярна адзначацца ў міліцыі. Суд таксама адмовіў у задавальненні пазову міліцыянта, які прасіў кампенсаваць кошт сапсаванай формы - 87 рублёў.
Па версіі міліцыі, абвінавачаны пачаў бойку з сяржантам, якога выклікалі суседзі, бо ў кватэры Гаўроша надта шумелі. Сам Гаўрош казаў, што бойку пачаў міліцыянт.
Пракурор Алена Крупеніна прасіла асудзіць Андрэя Гаўроша на тры гады.
Прысуд уступіў у сілу і можа быць абскарджаны.
Цяпер чытаюць
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары