Шатландская актрыса Роўз Леслі і брытанскі акцёр Кіт Харынгтан абвясцілі пра заручыны.
Афіцыйнае паведамленне пра заручыны дзвюх зорак серыяла «Гульня тронаў» надрукавалі ў газеце Times.
Да гэтага ў СМІ хадзілі чуткі, што пара нібыта збіраецца ажаніцца, аднак ні Леслі, ні Харынгтан не агучвалі публічна свае намеры, піша Бі-бі-сі.
Харынгтан і Леслі пазнаёміліся ў 2012 годзе падчас здымак «Гульні тронаў», дзе ім дасталіся ролі Джона Сноў і Ігрыт.
Леслі перастала здымацца ў серыяле праз два гады пасля іх знаёмства, бо яе гераіня загінула. Харынгтан тым часам стаў адной з галоўных зорак «Гульні тронаў», ён зняўся ва ўсіх сямі сезонах тэлевізійнай драмы.
Упершыню на публіцы Леслі і Харынгтан як пара з'явіліся на леташняй цырымоніі ўручэння прэміі Лоўрэнса Аліўе.
Харынгтан прызнаваўся, што закахацца ў Леслі было вельмі лёгка.
Чытайце таксама:
Сэрсея, Рамсі ці Джон Сноў: хто вы ў «Гульні тронаў»? ТЭСТ
Цяпер чытаюць
Бабарыка тры хвіліны адказваў на пытанне, чый Крым. Так і не адказаў89
Каментары