Узнагародай для тых, хто ўдзельнічае ў пракладцы тунэлю, з’яўляецца права першымі прайсці па ім.
Тунэлі пад польскім памежным загароджваннем з беларускага боку пракладваюць мігранты-курды. Пра гэта заявіў у эфіры RMF FM міністр унутраных спраў і адміністрацыі Марцін Кервіньскі, піша Reform.news.
Паводле ягоных слоў, узнагародай для тых, хто ўдзельнічае ў пракладцы тунэля, з’яўляецца права першымі прайсці па ім. Трэба адзначыць, што ўчора намеснік Кервіньскага згадваў мігрантаў з Сірыі, якія ўдзельнічаюць у пракладцы тунэляў.
«Беларускія службы прывозяць шмат курдаў. Гэта былі курды. Я не ведаю, ці ўсе гэтыя тунэлі прарылі курды, бо гэта ўжо чацвёрты тунэль. У гэтым удзельнічаюць мігранты з Курдыстана, якія рыюць тунэлі. У іх, наколькі нам вядома неафіцыйна, ёсць пэўныя прэферэнцыі быць першымі, хто пройдзе праз гэты тунэль», — сказаў ён.
Па словах міністра, тунэль выглядае вельмі прафесійна зробленым. Кервіньскі лічыць, што беларускія службы ўпэўніліся ў эфектыўнасці загароджвання і цяпер шукаюць новыя спосабы.
Тым не менш ён упэўнены, што польскі бок таксама будзе эфектыўным у выяўленні тунэляў. Ён дадаў, што з прыблізна 180 мігрантаў, якія прайшлі праз тунэль у пятніцу, затрыманыя больш за 140.
«Гэтая мадэль працы застаецца нязменнай. То-бок гэта нелегальныя імігранты, дастаўленыя ў Расію або Беларусь службамі, расійскімі або беларускімі. Тут нічога не мяняецца. Больш за 90% — гэта маладыя, здаровыя мужчыны, якім, калі можна так выказацца, аказваюць паслугі расійскія або беларускія службы, забяспечваючы ўсе неабходныя інструменты, месцазнаходжанне і ўмовы іх працы», — сказаў ён.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары18
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары