14 кастрычніка ў прасторы «210 metrov» па вуліцы Чапаева, 3 у Менску павінен быў адбыцца супольны канцэрт чатырох калектываў з Расеі і Беларусі пад назвай Minsk Edge Day 2017.
Сярод слухачоў пераважна прыхільнікі філасофіі «Straight edge». Гэтыя людзі, якія не ўжываюць наркотыкаў, алкаголю, тытуню, не прымаюць лекі і выступаюць супраць распусты. Часта — вегетарыянцы або веганы. Здараецца, што нават каву не п’юць.
Адразу пасля пачатку імпрэзы па гэтым адрасе з’явіліся праваахоўнікі.
«Тут тры бусы з людзьмі ў масках. Усіх гледачоў паставілі «на расцяжку», моцна ўсіх білі», — перадае журналіст «Белсата».
Паводле яго словаў, быў затрыманы і кудысьці адведзены Максім Пякарскі, вядомы па «справе графіцістаў».
«Тых, каго міліцыянты пазнавалі, а таксама музыкаў ды замежнікаў, адводзілі ў бок — усяго каля 70 чалавек. Пазней палову забралі ў РАУС, а палову — адпусцілі без пратаколаў», — дадае карэспандэнт.
Пасля збіцця міліцыянты паставілі ўсіх да сцяны.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае23
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары