У Мінску ў бліжэйшы час павысяць кошт праезду ў гарадскім грамадскім транспарце. Новыя тарыфы праходзяць узгадненне ў Мінгарвыканкаме.
Паводле інфармацыі finance.tut.by, кошт праезду ў гарадскім грамадскім транспарце прапануюць павысіць на 5 капеек: у наземным - да 60 капеек, а ў метро - да 65 капеек.
Пры гэтым адна з прапаноў транспартнікаў — падняць цану квітка пры куплі ў кіроўцы да 1 рубля. Цяпер цана складае 60 капеек. Пры абгрунтаванні такой цаны транспартнікі спасылаюцца ў тым ліку на сусветны досвед.
Аднак канчатковыя тарыфы на праезд у гарадскім транспарце будуць вядомыя толькі пасля прыняцця рашэння Мінгарвыканкамам.
Апошні раз кошт праезду ў Мінску павышаўся 21 снежня мінулага года. Праезд у гарадскім і прыгарадным транспарце ў Мінску падаражэў на 5 капеек. Кошт адной паездкі на метро падняўся да 60 капеек, у наземным транспарце - да 55 капеек, у аўтобусах экспрэсных маршрутаў - да 70 капеек.
Каментары