«Еду в магазин Gucci в Санкт-Петербурге. Она жрет мой х** как будто это бургер» — гэта не пародыя. Гэта прыпеў самай папулярнай песні рэпера Фэйса «Бургер». Яна сабрала 8 млн праглядаў у ЮТубе. Канцэрт рэпера Face, які павінен быў прайсці сёння ў Мінску, адменены. Прычынай стала папярэджанне ад Генпракуратуры, якое арганізатары канцэрта атрымалі напярэдадні, паведамляе Tut.by.
У афіцыйным папярэджанні адзначана, што «тэксты песень маюць шмат ненарматыўнай лексікі, у іх прасочваецца адкрытае грэбаванне маральнымі і культурнымі каштоўнасцямі, прынятымі ў сучасным цывілізаваным грамадстве. Прапагандуецца распушчанасць у сэксуальных адносінах, грэблівае стаўленне да жанчын, інстытуту сям'і, школы».
«Публічнае выкарыстанне ненарматыўнай лексікі на канцэрце ў прысутнасці вялікай колькасці людзей фактычна з'яўляецца прапагандай здзяйснення дзеянняў, забароненых заканадаўствам».
Для канцэртнага агенцтва вынясенне такога папярэджання азначае, што ў выпадку правядзення канцэрту арганізатары будуць несці адказнасць — штраф або адміністрацыйны арышт.
20-гадовы Face (Фэйс) пачаў кар'еру рэпера два гады назад, у 2015 годзе. Свой першы альбом ён выдаў сёлета, у 2017-м. З ім ён і паехаў у тур па Расіі, Украіне і Беларусі.
Новы расійскі рэп — гэта феномен, які здабыў немалую папулярнасць сярод моладзі ў ЮТубе і УКантакце. Ад поп-музыкі яго адрознівае масавае выкарыстанне матаў са сцэны, а таксама спецыфічная тэматыка тэкстаў.
Фэйс, у прыватнасці, зняў кліпы на свае песні «Я **ал Твою Телку», «Мне Пох**» і «Б**** Фэйс Вот Ты Флексишь».
Ягоныя тэксты немудрагелістыя: «Я настолько **банутый, что лежал в дурке». Крытычны чалавек можа сказаць, што гэта дно. Аднак гутарку ВДудя з Фэйсам праглядзелі амаль 6 мільёнаў разоў.
* * *
Як па-вашаму, ці павінна Беларусь забараняць канцэрты такіх рэпераў і не пускаць іх у эфір радыёстанцый? Пішыце ў каментах.
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары