Гэта здарылася каля павароткі на Шчучын. Машына вылецела з шашы і тройчы перакулілася. Здарэньне адбылося ў суботу, калі былы палітвязень вяртаўся з гораду над Нёманам з сустрэчы. Прычыны здарэньня пакуль невядомыя.
Як расказаў нам Артур Фінькевіч, на хуткасьці 100 км/г у «Опэля Амэга», на якім ён вяртаўся з Горадні ў Менск, адвалілася кола. Гэта здарылася каля павароткі на Шчучын. Машына вылецела з шашы на 25 мэтраў і тройчы перакулілася.
Разам з Артурам ехалі яшчэ дзьве асобы.
Здарэньне адбылося ў суботу, калі былы палітвязень вяртаўся з гораду над Нёманам з сустрэчы. Аднак інфармацыю ён чамусьці распаўсюдзіў толькі ў панядзелак.
Артур сьцьвярджае, што напярэдадні ганяў машыну ў рамонт і што аўтамабіль быў у поўным парадку. Зь ягоных словаў, ён адчуваў у дарозе, што машыну вядзе ўлева, але не спыняўся.
На думку экспэртаў, зь якімі мы гаварылі, здарэньне магло адбыцца і з прычыны таго, што малады кіроўца ня даў рады кіраваньню. Толькі канчатковае заключэньне, ці сапраўды прычынаю стаў адрыў кола, можа расставіць кропкі над і.
Цяпер чытаюць
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам5
Каментары