Канцэртная прэзентацыя альбома ў мінскім Prime Hall пройдзе 9 сакавіка 2018 года.
Naviband выпускае новы альбом 8 снежня. Гэта чацвёртая пласцінка гурту, і гэтым разам — цалкам на роднай мове.
«Адразу ж пасля ўдзелу ў «Еўрабачанні» мы ўсім гуртом адасобіліся на хутары за 300 км. ад Мінска, дзе і была напісана вялікая частка гэтага альбома - мы проста выстаўлялі інструменты прама пасярод поля і рэпетавалі. Запісаны альбом быў на студыі ў вялікага майстра сваёй справы, гукарэжысёра гуртаў Brutto і Ляпіс-98 Андрэя Баброўкі,, - дзеляцца салісты Naviband Арцём Лук'яненка і Ксенія Жук.-
«Адной Дарогай» - жывы, натуральны, светлы і вельмі шчыры альбом прасякнуты любоўю да роднай мовы, роднай зямлі, музыкі, жыцця і, вядома ж, адно да аднаго».
За некалькі дзён да выхаду альбома Naviband выклалі ў сетку прыгожы калядны кліп на новую песню «А дзе жывеш ты?», у якім намякнулі на тое, што пара чакае дзіця.
Канцэртная прэзентацыя альбома ў мінскім Prime Hall пройдзе 9 сакавіка 2018 года. Таксама адбудуцца прэзентацыі ў іншых гарадах Беларусі, Расіі і Украіны.
Альбом «Адной Дарогай» даступны да куплі і праслухоўвання на ўсіх лічбавых пляцоўках.
Спампаваць у iTunes
Спампаваць у Google Play
Слухаць у Apple Music
Слухаць у Яндэкс.Музыка
Цяпер чытаюць
Загнуўся бізнэс члена хакейнай каманды Лукашэнкі, які абяцаў пабудаваць лыжны манеж за Вярхоўным судом узамен на ласыя ўчасткі3
Каментары