Пентагон пацвердзіў існаванне праграмы па даследаванні НЛА і паказаў некалькі раней сакрэтных ВІДЭА з імі
Міністэрства абароны ЗША афіцыйна пацвердзіла існаванне праграмы пад назвай «Прасунутая ідэнтыфікацыя авіяцыйных пагроз» (AATIP), асноўнай мэтай якой быў збор і апрацоўка дадзеных пра розныя «анамальныя аэракасмічныя пагрозы», спіс якіх уключае ў сябе не толькі варожыя дроны і самалёты-шпіёны, але таксама і аб'екты пазаземнага паходжання.
Існаванне гэтай праграмы пацвердзіў прэс-сакратар Пентагона Том Кросан, піша The Washington Post. Яна была запушчаная па ініцыятыве былога члена Сената ЗША Гары Рыда ў 2007 годзе, а на яе падтрымку было выдаткавана крыху больш за 22 мільёны даляраў.
Праіснавала праграма ўсяго пяць гадоў, да 2012 года, пасля чаго была згорнутая праз недахоп фінансавання. Каб не быць галаслоўным, Кросан прадаставіў вядучым амерыканскім СМІ шэраг дакументаў і нават некалькі відэа, знятых з ваенных самалётаў. На гэтых відэа можна ўбачыць неапазнаныя лятаючыя аб'екты невядомага паходжання.
Першае з рассакрэчаных відэа носіць кодавую назву GIMBAL. На гэтым відэазапісы, зробленым інфрачырвонай камерай з борта ваеннага знішчальніка F/A-18 Super Hornet, можна ўбачыць дзіўны даўгаваты аб'ект без крылаў, які рухаецца супраць моцнага ветру.
Спачатку пілоты прынялі яго за дрон, але затым ён пачаў ненатуральна паварочвацца вакол сваёй восі, чым моцна ўразіў вайскоўцаў. Такіх аб'ектаў насамрэч было некалькі, але трапіў у фокус толькі адзін.
Другое відэа пад назвай FLIR1 было знята ў 2004 годзе з знішчальніка той жа мадэлі каля ўзбярэжжа Сан-Дыега. Аб'ект на відэа таксама вёў сябе незвычайна: хутка мяняў вышыню з 24 да 6 кіламетраў, завісаў ў паветры, знікаў з радараў і зноў з'яўляўся.
Маючы памеры каля 12 метраў у даўжыню, НЛА рухаўся ў 15 метрах над паверхняй вады, з-за чаго вада ўнізе пачынала бурліць. Пілоты сцвярджаюць, што ў лятальнага апарата не было ні крылаў, ні соплаў або прапелераў.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос32
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1717
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс17
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары