Лукашэнка падпісаў указ аб задачах развіцця Беларусі на 2018 год
Указам устанаўліваецца пералік важнейшых параметраў, якія з'яўляюцца ключавымі паказчыкамі эфектыўнасці работы ўрада і Нацыянальнага банка.
Прагназуецца, што ВУП у 2018 годзе вырасце на 3,5%, экспарт тавараў і паслуг - на 5,7%. Нацбанку і ўраду даручана прыняць неабходныя меры па абмежаванні у 2018 годзе росту цэнаў не больш чым на 6%.
Таксама Лукашэнка падпісаў указ «Аб зацвярджэнні Асноўных напрамкаў грашова-крэдытнай палітыкі на 2018 год».
У 2018 годзе прадоўжыцца правядзенне грашова-крэдытнай палітыкі ў рэжыме манетарнага таргетавання. Яе прамежкавым арыенцірам застанецца шырокая грашовая маса. Прырост сярэдняй шырокай грашовай масы прагназуецца на ўзроўні 9-12% (снежань 2018 да снежня 2017 года).
З улікам пагашэння урадам і Нацбанкам унутраных і знешніх абавязацельстваў у замежнай валюце міжнародныя рэзервовыя актывы на канец 2018 года складуць не менш як $ 6 млрд.
У 2018 годзе захаваецца агульная накіраванасць на лібералізацыю валютнай сістэмы па меры фарміравання адпаведных спрыяльных умоў. Прадоўжыцца рэалізацыя мер па зніжэнні ўзроўню даларызацыі эканомікі.
Стала вядомая асоба рабочага «Беларуськалія», які загінуў пры абрушэнні горнай пароды1
Каментары