У Лос-Анджэлесе адбылася 75-я цырымонія ўручэння прэміі «Залаты глобус», якую часта называюць «рэпетыцыяй «Оскара». Цырымонія праходзіла ў ноч на 8 студзеня ў гатэлі Бэверлі-Хілтан у Лос-Анджэлесе
Найлепшым драматычным фільмам была прызнана карціна «Тры білборды на мяжы Эбінга, Місуры» Марціна Макдонаха. Ён жа атрымаў «Залаты глобус» за найлепшы сцэнар.
Прыз у намінацыі «Найлепшы фільм-камедыя ці мюзікл» атрымала работа Грэты Гервіг «Лэдзі Берд».
Гэры Олдмен стаў найлепшым драматычным акцёрам за ролю Уінстана Чэрчыля ў фільме «Цёмныя часы». Найлепшай актрысай у драматычным фільме прызналі Фрэнсіс Макдорманд, якая сыграла ролю Мілдрэд Хейз у фільме «Тры білборды».
Перамогу ў намінацыі «Найлепшы рэжысёр» святкаваў Гільерма дэль Тора за фільм «Форма вады».
«Залаты глобус» у намінацыі «Найлепшы драматычны серыял» заваяваў «Аповед служанкі».
Найлепшым міні-серыялам стала «Вялікая маленькая хлусня». Ніколь Кідман была названая найлепшай актрысай у гэтым жанры. Найлепшым акцёрам у міні-серыяле стаў Эван Макгрэгар за ролю ў карціне «Фарга».
Найлепшым анімацыйным фільмам была прызнана работа пад назвай «Таямніца Кока».
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе1
Каментары