За мінулы год беларускія аўтамабілісты заплацілі больш за 9 мільёнаў рублёў, або 4,5 мільёна даляраў штрафаў паводле «лістоў шчасця». Такія дадзеныя агучылі ў Міністэрстве фінансаў, паведамляе ТUT.by.
Мінімальны штраф за перавышэнне хуткасці, зафіксаванае камерай, роўны 12,25 рубля (0,5 базавай велічыні). Па дадзеных на 5 студзеня гэтага года, на беларускіх дарогах ўстаноўлена 364 стацыянарныя камеры фіксацыі хуткасці.
- З улікам таго, што гэтыя штрафы не маюць мэтавага накіравання, яны накіроўваюцца на фінансаванне агульных расходаў бюджэту, - адзначылі ў Мінфіне.
Раней ДАІ МУС заяўляла, што за год беларусы ў сярэднім атрымліваюць каля мільёна «лістоў шчасця». Пры гэтым каля 85-90% штрафаў па Мінску на сённяшні момант спаганяюцца.
- Калі гэтая сістэма ўкаранялася, былі асцярогі, што эфектыўнасць меры будзе вельмі нізкай. Але я павінен сказаць, што нашы грамадзяне сур'ёзна падыходзяць да выплаты штрафаў. Гэта значыць парушаюць, але гатовыя за гэта несці адказнасць. У 10-15% выпадкаў штрафы спаганяюць у прымусовым парадку. Калі нейкім чынам вы не атрымалі паведамленне пра штраф (дрэнна працуе пошта, вы не жывяце па месцы прапіскі) і ў курсе, што парушылі, лепш лішні раз запытацца на сайце аб наяўнасці правапарушэння або яго адсутнасці, — сказаў начальнік аддзела забеспячэння правапрымяняльнай дзейнасці УДАІ МУС Аляксандр Занімон.
Цяпер чытаюць
Ціханоўскі адказаў Ціханоўскай: Чамусьці не згадваецца, што рэабілітацыя сына адбывалася ў кватэрах і дамах, якія я купіў97
Каментары