Кампанія Xiaomi выпусціла нешта сярэдняе паміж патэльняй ды электрапліткай
Кітайская кампанія Xiaomi дадала ў свой спіс хатніх прыладаў навінку — электрычную патэльню, перадае партал Gizmochina.
«Хот-пот» — так называецца прылада ў арыгінале — ёмістасць, падобная да глыбокае патэльні, якая мае награвальны элемент, добра ізаляваны і абаронены ад вільгаці, каб пазбегнуць кароткага замыкання.
Аб'ём ёмістасці — чатыры літры, а ў камплекце ёсць драўляныя ручкі і шкляная накрыўка. Тэмпературу можна рэгуляваць ад 38°С (пасуе для падагрэву гатовае ежы) да 210°С (для гатавання) — выдатная альтэрнатыва традыцыйным невялікім электраплітам.
Кошт прылады ў Кітаі — усяго 38 даляраў. Традыцыйна ў Беларусі цэны на тэхніку Xiaomi значна вышэйшыя за тыя, што ўсталёўвае кампанія ў Кітаі.
Каментары