Мінабароны Расіі знайшло ў сірыйскім горадзе Дума людзей, якія прымалі ўдзел у здымках пастановачнага роліка аб хімічнай атацы, сцвярджае афіцыйны прадстаўнік Мінабароны Расіі Ігар Канашанкоў.
«Мінабароны Расіі валодае шматлікімі доказамі, што 7 красавіка ў Думе была ажыццеўлена менавіта спланаваная правакацыя з мэтай увядзення ў зман сусветнай супольнасці. Яе сапраўдная мэта сёння ўсім зразумелая — справакаваць ЗША да нанясення ракетных удараў па Сірыі», — заявіў Канашанкоў.
Ён паведаміў, што ў інтэрв'ю жыхары Думы ў дэталях распавялі, як праводзіліся пастановачныя здымкі, у якіх эпізодах яны самі ўдзельнічалі і што рабілі.
«Сёння ў распараджэнні расійскага вайсковага ведамства маюцца і іншыя доказы, якія сведчаць аб непасрэдным удзеле Вялікабрытаніі ў арганізацыі гэтай правакацыі ва Усходняй Гуце. Нам дакладна вядома, што з 3 па 6 красавіка на прадстаўнікоў так званых «Белых касак» аказваўся моцны ціск менавіта з Лондана для хутчэйшага ажыццяўлення правакацыі, якая рыхтавалася загадзя», — адзначыў прадстаўнік Мінабароны Расіі.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1414
Каментары