На фоне ўтрыманьня курсу даляра ў Беларусі, працягваецца падзеньне эўра.
На сераду Нацыянальны банк устанавіў наступныя курсы афіцыйных валют у краіне: амэрыканскую валюту працягваюць трымаць на ўзроўні 2 114 рублёў за даляр.
Затое эўра зьляцеў ажно да 2 802, 64 рублёў за адну адзінку.
Такім чынам каэфіцыент складае 1,3254494.
Крыху зьнізіўся на заўтра курс расейскага рубля: з 81,13 да 79 рублёў 95 капеек.
У Расеі працягваецца інтэнсіўны рост даляра ў дачыненьні да тамтэйшага рубля. Сёньня на таргах ММВБ ён вырас на 40 капеект да 26 рублёў 46 капеек
Яшчэ ў сярэдзіне ліпеня суадносіны эўра да даляра ў Беларусі, як і па ўсім сьвеце, складалі 1,60125. Напрыклад, 15 ліпеня Нацбанк устанавіў наступныя курсы афіцыйных валют: 1 даляр ЗША — каштаваў 2 120 рублёў, эўра ‑‑ 3 394,65 рубля.
З канца лета пачалося імклівае падзеньне эўра. Эўрапейская валюта за тры месяцы патаньнела амаль на 600 рублёў.
11 верасьня эўра перакрочыў магічную мяжу ў 1,4. Неўзабаве можа пераадолець мяжу 1,3.
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы8
Каментары