У Мінску цвітуць таполі, а ў вялікай колькасці людзей на яго алергія. Як перажыць гэты перыяд распавяла «Мінск-навінам» дацэнт кафедры геранталогіі і герыятрыі з курсам алергалогіі і прафпаталогіі БелМАПА Таццяна Бараноўская.
Дасведчаныя алергікі, імкнучыся пазбегнуць абвастрэнняў палінозу, звычайна плануюць на гэты час адпачынак і з'язджаюць туды, дзе імавернасць сустрэчы з правакатарамі захворвання значна меншая. Прыкметна лепш гэтая катэгорыя пацыентаў пачуваецца каля вадаёмаў: мораў, азёр, рэк.
Калі ж такая магчымасць выключаная, то неабходна прытрымлівацца наступных правіл паводзін. Менш бываць на вуліцы, у парках і садах, асабліва раніцай.
Зачыняць вокны і форткі, пазбягаць скразнякоў, рэгулярна праводзіць дома вільготную ўборку. Паколькі пылок асядае на адкрытых участках цела, валасах, вопратцы, то пасля вяртання з вуліцы трэба пераапранацца, прымаць душ, мыць галаву.
Акрамя таго, алерголаг раіць выкарыстоўваць адмысловыя фільтры для жылых памяшканняў і фільтры для носа, якія яшчэ называюць рэспіратарамі-невідзімкамі.
Напярэдадні сустрэч з «ворагам» рэкамендуецца прафілактычна прымаць антыгістамінныя прэпараты. Калі сімптомы палінозу не праходзяць, трэба звярнуцца па кансультацыю да спецыяліста.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект13
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары