Вытворца безалкагольных напояў Coca-Cola упершыню за 125 гадоў існавання выпусціў алкагольны напой. Ён з'явіўся ў крамах Японіі ў панядзелак.
Напой выпускаецца толькі з цытрынавым смакам, яго крэпасць вар'іруецца ад 3% да 7%.
Паведамляецца, што запуск накіраваны на маладых спажыўцоў, асабліва на жанчын.
Па традыцыі кампаніі, рэцэпт напою строга засакрэчаны, аднак вядома, што ён натхнёны папулярным у Японіі напоем Chu-Hi — газіроўкай з араматызатарамі, у якую дадаецца мясцовы алкагольны напой сёцю. Chu-Hi таксама прадаецца ў банках і ўтрымлівае ад 3% да 8% алкаголю.
У Японіі Chu-Hi лічыцца альтэрнатывай піву і карыстаецца асаблівай папулярнасцю сярод жанчын.
Каментары