За карупцыю асудзілі рэктара сельгасакадэміі ў Горках. Паўла Саскевіча прысудзілі да трох гадоў пазбаўлення волі з адтэрміноўкай на 2 гады і штрафу ў памеры 7350 рублёў. Прысуд пакуль не ўступіў у законную сілу, Саскевіч застаецца рэктарам. TUT.BY даведаўся падрабязнасці справы.
У 2011 годзе Павел Саскевіч, будучы яшчэ першым прарэктарам БДСГА, фіктыўна ўладкаваў на працу ў сельгасакадэмію свайго зяця: сказаў падначаленым аформіць дакументы, але папярэдзіў іх, што зяць будзе толькі лічыцца лабарантам навукова-даследчай часткі акадэміі.
— Зяць Саскевіча быў індывідуальным прадпрымальнікам і ажыццяўляў прадпрымальніцкую дзейнасць. Яго абавязкі лабаранта выконвалі іншыя супрацоўнікі акадэміі і атрымлівалі за гэта зарплату. Афіцыйнае працаўладкаванне мужчыне неабходна было для таго, каб не плаціць унёскі ў Фонд сацабароны,
— патлумачыла TUT.BY старшы памочнік пракурора Магілёўскай вобласці Алена Шумейка.
Лабарантам зяць Саскевіча «працаваў» з 2011 па 2014 год. Як стала вядома TUT.BY,
у 2014-м ён развёўся з дачкой рэктара, паміж былымі мужам і жонкай пачаўся канфлікт. Пасля чарговай сваркі яе былы муж расказаў сілавікам, што ў акадэміі ён фактычна не працаваў, а быў уладкаваны фіктыўна.
Да таго моманту Саскевіч быў ужо рэктарам БДСГА.
Падчас следства Павел Саскевіч віну не прызнаваў. Маўляў, думаў, што экс-зяць ходзіць на працу і выконвае свае абавязкі. Пра тое, што гэта не так, Саскевіч нібыта даведаўся толькі падчас праверкі.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі14
Каментары