Бразільская журналістка Джулія Гімараеш ухілілася ад пацалунку расійскага заўзятара і прачытала яму натацыю пра павагу да жанчын.
Карэспандэнтка TV Globo і SporTV Гімараеш запісвала рэпартаж перад матчам паміж зборнымі Японіі і Сенегала, які праходзіў у Екацярынбургу 25 чэрвеня. Калі дзяўчына была ў кадры, да яе падбег адзін з футбольных заўзятараў. Мужчына паспрабаваў пацалаваць дзяўчыну ў шчаку.
Аднак Гімараеш здолела ўхіліцца ад праяўлення пачуццяў фаната. Пасля няўдачы ён адбег. Наўздагон дзяўчына прачытала яму натацыю пра павагу да жанчын. «Не рабіце гэтага. Ніколі больш так не рабіце, добра?» — сказала яна. «Даруйце, даруйце, окей», — адказаў прысаромлены заўзятар.
Журналістка заявіла, што не дазваляла мінаку паводзіць сябе падобным чынам. «Гэта няветліва. Гэта няправільна», — казала яна. Імправізаваную лекцыю пра правілы добрага тону яна завяршыла заклікам да павагі.
Пазней рэпарцёр заявіла, што гэта ўжо другі напад фаната, які яна перажывае падчас камандзіроўкі ў Расію для асвятлення мундыяля.
Калі сочыце за чэмпіянатам свету па футболе, раім вам зрабіць стаўку ў Букмекерскай канторы Марафон!
Каментары