Бургер з цялячымі шчочкамі і востры чызстэйк — у Мінску стартаваў Food-A-Fest
Ад 23 ліпеня паспрабаваць аўтарскія стрыт-сэты, распрацаваныя спецыяльна для фудкорта фестывалю A-Fest, можна ў 20 кавярнях і рэстаранах Беларусі. Трохтыднёвы Food-A-Fest стане гастранамічнай прэ-паці еўрапейскага фестывалю піва і ежы, які 11 жніўня пройдзе ў Мінску трэці раз і збярэ ў Лошыцкім парку больш за паўсотню рэстаранаў і кафэ з самым папулярным у беларусаў стрыт-фудам.
Кошт аднаго стрыт-сэта з асноўнай стравай і півам «Аліварыя» складае ад 8 рублёў у залежнасці ад памеру порцыі. Беларусы ўжо могуць паспрабаваць грыбныя і сырныя бургеры, для гурманаў — з цяляцымі шчочкамі, грэцкі гірас з кураняці ці востры чызстэйк. Усяго за час Food-A-Fest сталічныя ўстановы прапануюць больш за 20 папулярных страў па новых рэцэптах.
«На летніх фестывалях з вялікім і разнастайным фудкортам заўсёды хочацца паспрабаваць практычна ўсё, а атрымліваецца, у найлепшым выпадку, 3—4 стравы ў дзень, — каментуе Тарас Мацыпура, намеснік генеральнага дырэктара па маркетынгу піваварнай кампаніі «Аліварыя» і арганізатар A-Fest. — Мы ўпершыню прапануем беларусам яшчэ да старту A-Fest пачаць дэгустацыю фестывальных страў. Зараз у спісе ўдзельнікаў 20 кафэ і рэстаранаў і 7 аўтарскіх стрыт-сэтаў з бургерамі альбо шаўрмой і півам «Аліварыя».
У панядзелак 23 ліпеня да Food-A-Fest далучыліся першыя ўдзельнікі: 11 устаноў сеткі кафэ «Гараж», тры кафэ Doner Kebab, два бістро «Штодзённік», TNT Rock Club, рэстаран Beer&Beef, бар «Мама Стыфлера» і бістро Gyros Grill.
Абнаўляць меню Food-A-Fest будуць на працягу наступных трох тыдняў, каб аматары вулічнай ежы маглі кожны дзень спрабаваць мінімум адну новую страву з меню фестывальнага фудкорта.
А 11 жніўня ўсе ўстановы адкрыюць свае выязныя кавярні ў Лошыцкім парку падчас еўрапейскага фестывалю піва і ежы A-Fest. У гэты дзень на сцэну выйдуць брытанка Сафі Эліс-Бэкстар, удзельнік французскага музычнага дуэта Modjo Ян Дэсталь, беларускія гурты «Без білета» і Akute, а па ўсім парку размесцяцца дзясяткі спартыўных і гульнявых пляцовак. Уваход вольны.
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж14
Каментары