Вярхоўны суд Украіны не дазволіў перасяленцам з Данбаса ўдзельнічаць у мясцовых выбарах
Права ўдзелу ў мясцовых выбарах ёсць толькі ў тых грамадзян Украіны, якія пастаянна пражываюць на адпаведнай тэрыторыі і маюць рэгістрацыю пастаяннага месца жыхарства на тэрыторыі адпаведнай вёскі, пасёлка, горада, паведамляе прэс-служба Вярхоўнага суда Украіны, разгледзеўшы ў касацыйным парадку грамадзянскую справу.
«Адрас выбаршчыка вызначаецца па зарэгістраваным месцы жыхарства і адрасе жылля выбаршчыка ў адпаведнасці з Законам Украіны «Аб свабодзе перамяшчэння і вольным выбары месца пражывання ва Украіне»», — паведамілі ў судзе.
Пры гэтым адзначылі, што месца прапіскі не можа быць часовым.
Часовая рэгістрацыя, якую выдаюць перасяленцам з Данбаса, не можа служыць падставай для права ўдзелу ў мясцовых выбарах на гэтай тэрыторыі.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары