Мужчына, якога прывезла хуткая, скраў апарат ЭКГ коштам больш за 4 тысячы рублёў з прыёмнага аддзялення Мінскай абласной клінічнай бальніцы, паведамляе УУС Мінаблвыканкама.
Прапажу дарагога медыцынскага абсталявання выявіла медсястра, якая ў мужчынскім аглядным пакоі апытвала чарговага пацыента. Яна знайшла на падлозе сеткавы шнур ад апарата. Супрацоўнікі міліцыі прагледзелі запісы камеры відэаназірання і высветлілі асобу злодзея.
Высветлілася, што мужчыну ў бальніцу даставіла брыгада хуткай дапамогі. У аглядным пакоі ён павінен быў дачакацца лекара, але вырашыў зрабіць інакш. Прыхапіўшы прыбор, зламыснік спакойна пакінуў бальніцу. Толькі ён не ўлічыў, што ў суправаджальным лісце, які запаўнялі медработнікі, пазначаны яго даныя. Выкрадальнікам аказаўся 36-гадовы жыхар Мінскага раёна.
Мужчыну за крадзеж пагражае да 3 гадоў пазбаўлення волі.
Цяпер чытаюць
«Муж забраў у закладнікі маіх котак». Дызайнерка Вольга Кардаш — пра развод з мужам, уласную краму і самага стылёвага беларуса3
Каментары