Газэта заключыла дамовы зь «Белсаюздрукам» і «Белпоштай» на распаўсюд выданьня праз розьнічную сетку кіёскаў і па падпісцы.
Як паведаміў галоўны рэдактар «Народнай волі» Іосіф Сярэдзіч, таксама заключаны дагавор на друкаванне газеты ў сталічным Беларускім Доме друку. Раней выданне друкавалася ў Смаленску (Расія).
«Засталося ўтрэсці некаторыя тэхнічныя дэталі. Калі ўсё атрымаецца так, як мы плануем, гэта значыць хутка, — новы нумар газеты можна будзе купіць у кіёсках ужо ў чацвер.
А калі не, дык на наступным тыдні газета ў кіёсках «Белсаюздруку» будзе жалезна», — сказаў І.Сярэдзіч.
Каментары