Пад Бярозай перакулілася лодка з п'янымі рыбакамі — аднаго выратаваць не паспелі 1
Вечарам 27 кастрычніка выратавальнікам паведамілі, што на Селецкім вадасховішчы тонуць людзі. У 700 метрах ад берага перакулілася алюмініевая лодка, у вадзе апынуліся 4 чалавекі, інфармуе МНС.
Група ратавання на вадзе выцягнула людзей на бераг і перадала брыгадам хуткай медыцынскай дапамогі. Адзін з пацярпелых, 45-гадовы рыбак, быў без прытомнасці, яго выратаваць не ўдалося.
Іншых мужчын (36-, 34- і 32-гадовы) з агульным пераахаладжэннем шпіталізавалі. Усе яны былі п'яныя.