З выбарам пятнічнага вечаровага тэлемэню дапамагае Андрэй Расінскі.
АНТ, 22.25
«Небясьпечныя сувязі»
ЗША, 1988, рэж. Стывэн Фрырз
Драма паводле аднайменнага раману Шадэрло дэ Лакло
Інтрыганка і яе прыяцель зьбіраюцца спакусіць маладую. Але самі трапляюць у павуціньне пачуцьцяў.
Тры прэміі «Оскар», прэмія «Сэзар».
Акторскі трыюмф Глен Клоўз.
Ролі таксама выконвалі: Джон Малкавіч, Мішэль Пфайфэр, Ума Турман.
❏
НТВ, 22.50
«Воўк»
ЗША, 1994, рэж. Майк Нікалс
Ваўкалачны фільм жахаў з элемэнтамі іроніі
Стомленага жыцьцём кнігавыдаўца аднойчы кусае воўк. Цяпер герой мае сілы, каб адстаяць сваё месца пад сонцам. Але па начох чалавек становіцца воўкам...
Фільм Майка Нікалса – гэта не шараговы фільм жахаў. Ваўкалацтва – як норма ў стасунках паміж людзьмі, стоеныя маёмасныя канфлікты, атмасфэра напружаньня й дваістасьці – і тонкія адценьні іроніі.
Ганаровым ваўкалакам стаў Джэк Нікалсан.
У фільме таксама граюць Мішэль Пфайфэр, Джэймс Спэйдэр.
❏
СТВ, 00.10
«Амнэзія»
ЗША, 2004, рэж. Філіп Каўфман
Трымценьнік
Сьледчая Джэсіка пакутуе на правалы памяці. Гераіня дасьледуе сьмерці мужчынаў – але кожны забіты быў блізкі зь ёй, і злачынцай можа быць толькі яна сама...
Трымценьнік з накручаным сюжэтам.
Рэжысэр Філіп Каўфман праславіўся стужкай «Невыносная лёгкасьць быцьця» (1988).
Ролі выконваюць: Эшлі Джад, Сэмюэл Л.Джэксан, Эндзі Гарсіа.
Андрэй Расінскі
Каментары