Здарэнне адбылося ў Юравічах Калінкавіцкага раёна ў ноч на 4 лістапада, паведамляе СК.
Кампанія маладых людзей каля прыватнага дома з мэтай наўмыснага пазбаўлення жыцця жорстка збіла 38-гадовага гаспадара дома і яго 45-гадовага суседа. Затым яны ўзламалі ўваходныя дзверы дома, праніклі ўнутр і збілі 33-гадовую жонку гаспадара дома.
З цялеснымі пашкоджаннямі рознай ступені цяжкасці пацярпелыя былі шпіталізаваныя, дзе ўвечары 4 лістапада памёр збіты сусед пары
Міліцыя затрымала трох мясцовых жыхароў: ім па 25, 20 і 17 гадоў. З імі працуюць следчыя, матывы і абставіны здзяйснення злачынства высвятляюцца. Раней усе трое прыцягваліся да крымінальнай адказнасці.
Расследаванне крымінальнай справы ўзята на асабісты кантроль начальнікам УСК па Гомельскай вобласці.
Вялікая гутарка з Алінай Коўшык — пра інтэрв’ю з Падсасонным, скандал з Кулеем і рэформы на «Белсаце»20
Каментары