Паліцыянты не змаглі вывезці з Андаманскіх выспаў у Бенгальскай затоцы цела грамадзяніна ЗША Алена Чау, забітага абарыгенамі. Як паведамляе тэлеканал NDTV, паліцэйская каманда на лодцы падышла ў суботу да Паўночнага Сентынельскага вострава на адлегласць прыкладна 400 метраў, але была сустрэтая групай тубыльцаў, узброеных лукамі і стрэламі, і вырашыла не ўступаць у канфлікт.
Грамадзянін ЗША Джон Ален Чау быў забіты 17 лістапада прадстаўнікамі племя, якое насяляе Паўночны Сентынельскі востраў. Усяго на Андаманах жывуць дзевяць астраўных плямёнаў, сентынельцы — самыя закрытыя ад свету, іх колькасць ацэньваецца ўсяго ў 40-150 чалавек. Гэтыя людзі не дазваляюць староннім прыходзіць на іх тэрыторыю і рашуча супрацівяцца любым спробам кантактаў з імі. Закон забараняе наведваць плямёны астраўных народаў без спецыяльнага дазволу.
Сямёра мясцовых рыбакоў пагадзіліся за грошы ў парушэнне заканадаўства перавезці 27-гадовага амерыканца на востраў. Рыбакі затрыманыя, яны паведамілі, што бачылі, як абарыгены забілі Чау стрэламі і потым закапалі яго цела ў прыбярэжным пяску. Як вынікае з дзённіка Чау, які той пакінуў рыбакам, амерыканец збіраўся прапаведаваць абарыгенам хрысціянства, пры гэтым ён не быў прафесійным святаром.
Паліцыя індыйскіх Андаманскіх выспаў цяпер праводзіць кансультацыі з прафесійнымі антраполагамі, каб даведацца пра асаблівасці пахавальнага рытуалу сентынельцаў, якія забілі Чау. Праваахоўнікі разлічваюць, што гэта можа дапамагчы знайсці бяспечную, і для паліцыі, і для тубыльцаў магчымасць эвакуацыі яго цела.
Чытайце: Ізаляванае племя на індыйскім востраве забіла амерыканскага прапаведніка
-
Слон з мёртвым сланянём, каёт у Сан-Францыска, пума на агароджы… Вось якія работы сталі сёлетнімі пераможцамі конкурсу «Фатограф года дзікай прыроды»
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары