Мінінфарм: Дапускаецца ідэнтыфікаваць каментатараў праз акаўнты ў сацыяльных сетках
З 1 снежня ўступае ў сілу абавязковая ідэнтыфікацыя інтэрнэт-карыстальнікаў на беларускіх сайтах.
За тыдзень да гэтага ўрад апублікаваў адпаведнае палажэнне (PDF), у якім тлумачыцца, якім чынам будзе адбывацца гэта ідэнтыфікацыя:
«Уладальнік інтэрнэт-рэсурсу ажыццяўляе актывацыю ўліковага запісу карыстальніка шляхам адпраўкі кода актывацыі ў смс-паведамленні на ўказаны пры запаўненні карыстальніцкай дамовы нумар мабільнага тэлефона карыстальніка ці з выкарыстаннем іншых ідэнтыфікацыйных дадзеных і тэхнічных сродкаў, якія дазваляюць ідэнтыфікаваць асобу карыстальніка».
Пра смс-паведамленне ўсё зразумела — карыстальнік атрымлівае код і ўводзіць яго на сайце.
Але што такое «іншыя тэхнічныя сродкі»? Афіцыйна дакумент пакуль не патлумачаны, але начальніца ўпраўлення прававога забеспячэння і катроля за выкананнем заканадаўства Міністэрства інфармацыі Вікторыя Мялешка дала сваю інтэрпрэтацыю.
«Пастанова Саўміна дапускае выкарыстанне і іншых спосабаў, якія дазваляюць у выпадку чаго вызначыць каментатара. Па словах Вікторыі Мялешкі, гэта можа быць, скажам, акаўнт у сацыяльнай сетцы», — гаворыцца ў каментары «СБ. Беларусь сёння».
Атрымаць аператыўнае тлумачэнне Міністэрства інфармацыі не ўдалося.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары