«Клуб рэдактараў» з прадстаўніком «НН» сабраў на Ютубе ў 25 разоў больш праглядаў за папярэдні выпуск
Беларускія дзяржаўныя тэлеканалы выстаўляюць на Ютуб большасць сваіх перадач. У інтэрнэце яны пераважна не карыстаюцца папулярнасцю.
«Клуб рэдактараў» ад Белтэлерадыёкампаніі — не выключэнне. Колькасць праглядаў розных выпускаў у новым сезоне выглядае наступным чынам: 199 — 128 — 94 — 154 — 124 — 85.
Сумарная папулярнасць шасці праграм, у якіх не гучала альтэрнатыўнага меркавання, не дасягнула нават 800 праглядаў.
Выпуск, удзельнікам якога стаў рэдактар «НН» Ягор Марціновіч, стаў выключэннем, перадусім за кошт увагі да праграмы з боку недзяржаўных СМІ. За некалькі дзён ён набраў больш за 2000 праглядаў.
Чытайце. Рэдактар «НН» на БТ: Зісер і Золатава заслугоўваюць звання Героя Беларусі, а не крымінальнай справы ВІДЭА
У гісторыі «Клуба рэдактараў» гэта другое па папулярнасці відэа на Ютубе. Адметна, што на першым месцы пакуль застаецца праграма двухгадовай даўніны з удзелам іншага прадстаўніка «Нашай Нівы» — шэф-рэдактара Андрэя Дынько.
Цяпер чытаюць
Брат беларускай каралевы прыгажосці трапіў у рэанімацыю ў Азербайджане4
Каментары