Масгарсуд прысудзіў да 13 гадоў калоніі строгага рэжыму былога маскоўскага ўчастковага Аляксея Жытнюка. Ён быў прызнаны вінаватым у перадачы сакрэтных звестак замежнаму грамадзяніну. Як казалася раней, канчатковым атрымальнікам інфармацыі было ЦРУ, піша РБК.
Паколькі судовы працэс праходзіў у закрытым рэжыме з-за сакрэтнасці справы, не паведамлялася, што менавіта былы паліцэйскі перадаваў агенту замежных спецслужбаў. У сярэдзіне снежня агенцтва ТАСС паведамляла пра тое, што Жытнюк, які працаваў у аддзеле паліцыі па раёне Паўночнае Мядведкава, перадаваў грамадзяніну Нарвегіі Фрудэ Бергу сакрэтныя звесткі пра Ваенна-марскі флот Расіі.
Сам Берг, які ўжо год знаходзіцца ў Лефортава, прызнаўся, што ў Маскву ездзіў па просьбе чалавека з нарвежскай разведвальнай службы, але казаў, што шпіёнскай дзейнасцю займацца не хацеў і быў падмануты, пісала газета Dagbladet.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння66
Каментары