Затрыманая ў ЗША расіянка Марыя Буціна заявіла ў судзе ў Вашынгтоне, што прызнае сваю віну ва ўдзеле ў змове супраць ЗША, паведамляе CNN. Буціна таксама паведаміла, што дзейнічала пад кіраўніцтвам расійскага чыноўніка.
Па даных Bloomberg, Буціна прызналася, што дзейнічала ў ЗША як незарэгістраваны «агент Крамля», спрабавала трапіць у давер да лідараў Нацыянальнай стралковай асацыяцыі і выказала гатоўнасць супрацоўнічаць са следствам.
«Буціна імкнулася ўсталяваць неафіцыйныя сувязі з амерыканцамі, якія маюць уладу і ўплыў на палітыку ЗША», — заявіў у судзе прадстаўнік абвінавачвання.
CNN адзначае, што цяпер Буціной пагражае не больш за пяць гадоў пазбаўлення волі, а пасля адбыцця пакарання яна, хутчэй за ўсё, будзе дэпартаваная.
Буціну, якая пражывала ў ЗША па студэнцкай візе, затрымалі ў сярэдзіне ліпеня 2018 года, абвінаваціўшы ў спробе «інфільтрацыі» ў амерыканскія арганізацыі «з мэтай прасоўвання інтарэсаў Расійскай Федэрацыі».
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»1
Каментары