Здарэнне адбылося вечарам у пятніцу падчас адкрыцця абласнога турніру «Залатая шайба».
Фота гомельскай міліцыі
Пра выпадак паведамляе гомельская міліцыя.
Падчас правядзення надгляду 17-гадовага падлетка высветлілася, што ён прыйшоў на турнір з невялікай сякерай у чахле, раскладным нажом у заплечніку. За поясам знойдзены нож у чахле.
Выехалі па месцы жыхарства хлопца. Там знайшлі 24 патроны рознага калібра, з якіх тры боепрыпасы да ручной стралковай наразной агнястрэльнай зброі.
Што тычыцца падлетка, то ён раней да адміністрацыйнай і крымінальнай адказнасці не прыцягваўся.
Заведзена крымінальная справа, хлопец затрыманы.
Каментары