З-за сезоннага ўздыму захворвання на грып і вострыя рэспіраторныя інфекцыі ў Беларусі змяніўся рэжым працы аптэк, паведамляе tut.by. Многія аптэкі часова працуюць больш, чым раней.
Таксама ведамства паведамляе, што «прынятыя вычарпальныя меры па бесперабойнай наяўнасці ў аптэках супрацьвірусных лекаў, антыбіётыкаў, медыкаментаў для лячэння ўскладненняў грыпу, а таксама сродкаў індывідуальнай абароны».
Такім чынам, 17 аптэк сеткі «Белфармацыя» ва ўсіх раёнах Мінска працуюць кругласутачна. Дзе знаходзяцца гэтыя аптэкі, можна паглядзець тут. 96 аптэк сеткі ў сталіцы працуюць у буднія дні з 8.00 да 21.00, у выхадныя - з 9.00 да 17.00 або з 10.00 да 18.00. 75 аптэк працуюць у буднія дні па рэжыму работы арганізацый аховы здароўя, на тэрыторыі якіх яны размешчаны, у выходныя дні - па ўзгадненні з арганізацыямі аховы здароўя.
Дзве аптэкі ў Гродна таксама працуюць кругласутачна. Інфармацыю пра іх і іншых аптэках вобласці можна даведацца тут. Многія аптэкі Брэсцкай вобласці працуюць да 21.00 і пазней. У Гомельскай вобласці час працы працягнулі ў 16 аптэках. Рэжым працы аптэк мінскай «Фармацыі», якія адкрыты зараз больш, у Мінскай вобласці апублікаваны тут, аптэк «Фармацыі» Віцебскай вобласці — тут.
Інфармацыю аб леках і рэжыме работы аптэк «Белфармацыі» можна атрымаць па бясплатным шматканальным тэлефоне даведачнай аптэк 169.
Каментары