Сілавікі працягваюць зачыстку топ-менеджараў фармацэўтычнай галіны. Нядаўна ў іх поле зроку трапіў генеральны дырэктар «Кіруючай кампаніі холдынгу «Белфармпрам» Валер Шаўчук, піша Tut.by.
Па наяўных дадзеных, яго затрымалі на мінулым тыдні. У чым падазраюць Шаўчука, пакуль невядома. «Яго агаварылі», — упэўнена крыніца, знаёмая з гендырэктарам «Белфармпрама». Па словах суразмоўцы, ужо больш за тыдзень ад холдынгу ў перамовах удзельнічаюць намеснікі Шаўчука.
У мінулы чацвер у Міністэрстве антыманапольнага рэгулявання і гандлю адбыўся круглы стол «Агульны рынак лекавых сродкаў. Рэферэнтнае цэнаўтварэнне». Ад «Белфармпрама» прымаў удзел намеснік гендырэктара холдынгу Віктар Шэін. Ён паскардзіўся на складанасці з доступам беларускіх лекаў да расійскіх дзяржзакупак.
У прыёмнай гендырэктара «Белфармпрама» Tut.by перанакіравалі па каментары ў Міністэрства аховы здароўя, дзе на працягу двух дзён не ўдалося атрымаць інфармацыю па сутнасці. У КДБ адмовіліся ад каментароў.
Каментары