Лідскім раённым аддзелам Следчага камітэта распачата крымінальная справа ў дачыненні да 41-гадовага жыхара Ліды па факце замаху на махлярства ў буйным памеры.
Ноччу 7 студзеня ў Лідскі раённы аддзел па надзвычайных сітуацыях паступіла паведамленне аб пажары ў вёсцы Мігуны, дзе гарэў нежылы аднапавярховы драўляны дом, які належыць жыхару Ліды, а таксама гаспадарчая пабудова яго суседа.
Супрацоўнікі МНС аператыўна прыбылі на месца здарэння і своечасова лакалізавалі ўзгаранні, у выніку чаго ніхто з грамадзян не пацярпеў. Агнём часткова знішчаны дах дома, пашкоджаны перакрыцце, сцены і маёмасць унутры. Гаспадарчая пабудова згарэла цалкам.
Устаноўлена, што прычынай узгарання стаў падпал. У здзяйсненні злачынства падазраецца ўладальнік дома, які з мэтай атрымання страхавой выплаты ў суме звыш 6 тысяч рублёў інсцэніраваў здзяйсненне злачынства невядомымі асобамі.
Мужчыну ўзялі пад варту. Расследаванне працягваецца.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары