У Лынтупах на пажары загінуў камандзір аддзялення ратавальнікаў. Ён служыў у МНС больш за 20 гадоў
Уначы 3 жніўня ў гарадскім пасёлку Лынтупы Пастаўскага раёна загарэўся нежылы дом. Сігнал пра гэта паступіў ратавальнікам а 3.00, паведамляе прэс-служба МНС.
Падчас тушэння пажару на 45-гадовага камандзіра аддзялення Германа Макоўскага абрынулася сцяна і дах будынка. Яго калега разам з мясцовымі жыхарамі вынялі мужчыну з-пад завалу, аднак ён ужо знаходзіўся без прыкмет жыцця, паведамляе Следчы камітэт.
Герман Макоўскі працаваў ратавальнікам з 1996 года.
Следча-аператыўная група агледзела месца здарэння, апытаныя мясцовыя жыхары. Следчымі канфіскаваныя сляды пажарнага смецця, прызначаныя пажарна-тэхнічная і судова-медыцынская экспертызы.
Падчас агляду ўстаноўлена, што ачаг узгарання знаходзіўся ў адным з памяшканняў будынка. Прычына ўзгарання высвятляецца.
Каментары